Попоски: Нема да има отстапки кон Атина



„Нема да има нови отстапки кон Атина за да се направи компромис во решавањето на спорот за името“, најавил министерот Никола Попоски за шпанскиот весник „Ел Паис“ и група европски новинари кои деновиве престојуваа во Македнија.

Спорот за името, заедно со спомениците и што значат тие за идентитетот на државата биле прашањата за кои тие најмногу се интересирале.

„Јас не би го нарекол тоа криза на идентитетот туку „предизвик за идентитетот“, оценил Попоски на оваа тема, додавајќи дека тоа е последицата токму на проблемот со името на државата. На прашањето толку ли е важно името за идентитетот на една држава, тој одговорил со да, додавајќи дека, „да не беше така, тогаш зошто Европската комисија во својот последен извештај не ја користи придавката македонски?“ Според него, поларизацијата на населението и националистичките чуства се исто така последица на таа отворена криза со името, илустрирајќи го тоа со примерот дека пред 20 години никој немаше да дебатира за името на автопатот, но сега предизвикот е голем.