Трајанов побара да се ревидираат трошоците за спомениците

Павле Трајанов од Демократскиот сојуз препорача државата да ги ревидира трошоците во услови кога е сериозно зафатена од економска криза.

„Како држава, како Влада и како парламент треба да се откажеме од сите непродуктивни трошоци, да се ревидираат сите планови за трошење, вклучително да се ревидира програмата за изградба на споменици, бидејќи има работи што може да се реализираат подоцна кога ќе се создадат економски услови за тоа. Обврските на државата кон компаниите да се исплатат побрзо“, изјави Трајанов. (П.Р.)