14.05.2012, 13:00 Фергусон: Сити може да не стигне, но за 100 години
„Историјата е на наша страна. Ние имаме традиција, а на нив ќе им биде потребен еден век за да го достигнат она што ние го имаме зад нас“, истакна менаџерот на Јунајтед
Менаџерот на Манчестер Јунајтед, Сер Алекс Фергусон ги испровоцира фановите на Манчестер Сити со изјавата дека на градскиот ривал ќе му требаат 100 години за да ги достигне досегашните успеси на “црвените ѓаволи“.
„Историјата е на наша страна. Ние имаме традиција, а на нив ќе им биде потребен еден век за да го достигнат она што ние го имаме зад нас. Освоивме 89 бода, а лани бевме шампиони со 80. Тоа значи дека со овој број на бодови би можеле да бидеме комотни шампиони во многу првенства наназад, но сега останавме без титулата само поради послабата гол-разлика" - рекол тој, испровоциран од англиските новинари дали освојувањето на титулата од страна на Сити и постојаниот наплив на енормни финансиски средства од Катар во нивната каса ќе значи превземање на доминацијата во англискиот фудбал на сметка на соседот.
Манчестер Јунајтед останува на своите 19 титули, додека Сити сега има три. Трофејот го освои по пауза од 44 години.
|
