Манчестер Сити шампион во чудесна завршница



„Граѓаните“ по пауза од 44 години ја освоија англиската Премиер-лига, откако попладнево пред своите навивачи во инфаркт натпревар го совлада Квинс Парк Ренџерс со 3:2

Гостите водеа со 2:1 се до судиското продолжение, но со головите на Един Џеко во 92 и Кун Агуеро во 94 минута, Сити на чудесен начин по пауза од цели 44 години стана фудбалски владетел во Англија.

Претходно имаше уште многу драма на овој меч. Резултатот го отвори Забалета го отвори резултатот во 39.минута и „граѓаните“ имаа предност од 1-0 на полувремето. Но, само што почна вториот дел, огромна грешка на Лескот, тоа го искористи Џибрил Сисе и погоди за 1-1. Во тие моменти Манчестер јунајтед веќе имаше водство од 0-1 против Сандерленд. Потоа, Џое Б��ртон направи невидена глупост, со лакот го удри Карлос Тевез и заработи црвен картон. Но, КПР и со играч помалку дојде во сензационално водство од 1-2 по еден контранапад што го реализираше Маки во 66.минута. И потоа се до крајот беше мачење за Манчестер сити. Изминаа и девесетте минути, а потоа магијата се случи во петте минути од судиското продолжение.

Манчестер јунајтед победи со 1-0 на гостувањето во Сандерленд со голот на Вејн Руни во 20.минута од средбата. Арсенал се пласира во Лигата на шампионите, откако на гостински терен го совлада ВБА со 3-2. Бенајун, Андре Сантос и Кошчиелни беа стрелци на головите за „топчиите“, а ВБА по само петнаесет минути имаше водство од 2-1.

Тотенхем со 2-0 го победи Фулам со головите на Адебајор и на Дефо и засега е пласиран во квалификациите од ЛШ, но ќе треба да навива за Баерн Минхен во финалето на „Алијанц арена“, за Челси да не го превземе неговото место.

Болтон испадна од Премиер-лигата, откако одигра 2-2 на гостувањето против Стоук, со што Квинс Парк Ренџерс избори опстанок и покрај поразот од Сити. Останатите две екипи што ја напуштаат лигата се Блекбурн и Вулверхемптон.

Резултати од последното, 38. коло: Челзи – Блекбурн 2-1, Евертон – Њукасл 3-1, Манчестер сити – КПР 3-2, Норвич – Астон Вила 2-0, Стоук – Болтон 2-2, Сандерленд – Манчестер ј. 0-1, Свонси – Ливерпул 1-0, Тотенхем – Фулам 2-0, ВБА – Арсенал 2-3, Виган – Вулверхемптон 3-2.