03.11.2011, 15:39 „Битлсите“ го избегнуваат синот на Џон Ленон
Синот на музичката легенда Џон Ленон тврди дека членовите на легендарните „Битлси“ намерно го избегнуваат и го игнорираат.
Џулијан Ленон (48), син на покојниот „битлс“ и неговата прва сопруга Синтија, ги нападнал „битлсите“, кои, наводно, намерно го избегнуваат.
Имено, не го повикале на голем број случувања, вклучувајќи ги и двете церемонии на венчавката на Пол Макартни, во Лондон и во Њујорк.
Во театрален напад, Џулијан изјавил дека нема да дозволи тој и неговата мајка Синтија (72) да бидат избришани од историјата.
Ако членовите на „Битлси“ навистина го игнорираат, со своите одговори докажале нешто друго. Еден од нив рекол дека не го повикале на настаните зашто мислеле дека е дома во Италија. Џулијан бил во Њујорк на денот на венчавката на Пол Макартни, но никој не го знаел тоа, така што не е чудно што дошло до недоразбирање.
Минатиот месец Џулијан признал дека експлозивниот темперамент го наследил од татка си. „Го препознавам него во себеси. Порано бев многу поагресивен, но и подискретен во своите расположенија“, рекол Џулијан, кој, конечно, се смирил со Јоко Оно минатата година.
„Бев многу вознемирен поради ра��отите што ги стори во минатото и начинот на кој го контролираше имотот на татко ми. Сега нашиот однос е многу подобар, зашто мислам дека сфати како треба да изгледа споменот на мојот татко“, објаснил Џулијан, кој и понатаму смета дека членовите на „Битлси“ намерно го игнорираат.
|
