04.11.2011, 12:12 Европска пролет за пет екипи
На две кола до крајот на групната фаза во Лига Европа пласман понатаму обезбедија ПСВ Ајндховен, Твенте, Андерлехт, Атлетик Билбао и Легија.
Холандските претставници ПСВ Ајндховен и Твенте, белгиски Андерлехт, полска Легија и шпански Атлетик Билбао обезбедија пласман меѓу најдобрите 32 екипи во Лига Европа на две кола до крајот на мечевите по групи во ова натпреварување. Во Ајндховен домашниот состав ремизира со Хапоел Тел Авив (3:3) во рамки на групата Ц, бод со кој екипата на ПСВ и математички осигура место во нокаут фазата. Во истата конкуренција Легија во Варшава го совлада Рапид од Букурешт со 3:1 за европска пролет на осумкратниот полски првак.
Благодарение на победи пред своите гледачи во мечевите во четвртото коло пласман во наредната фаза и за Твенте и Андерлехт. Холандскиот прволигаш на крајот, сепак, го доби неизвесниот дуел во Еншеде против Оденсе. Моментот на одлука се случи во 82 минута кога Фер ја погоди мрежата на Данците за конечни 3:2. Со овие три бода и поразот на Висла Краков кај Фулам, Твенте се промовира во осминафиналист во Лига Европа. Андерлехт и дефинитивно ја мина групната фаза по победата над Штурм со 3:0. Отпорот на Австријците можеби ќе беше и поголем ако Фелдхофер не добиеше втор жолт картон во 59 минута и не ги оставеше на цедило своите соиграчи. Белгијците во продолжението рутински ја искористи бројчената предност на ревникот и со уште два гола во противничката мрежа го впиша четвртиот триумф во најмасовното клупско фудбалско натпреварување на стариот континент во оваа сезона во исто толку одиграни натпревари во групата Л. Последниот патник во елиминациската рунда е Атлетик Билбао. Успехот за составот од Примера дојде по триумфот во Салцбург кај истоимениот домаќин со 1:0 во групата Ф.
Лига Европа, 4. коло, резултати
Група А: Рубин Казан - Тотенхем 1:0, Шамрок Роверс - ПАОК 1:3. Табела: ПАОК 8, Рубин Казан 7, Тотенхем 7, Шамрок Роверс 0.
Група Б: Копенхаген - Хановер 1:2, Ворксла - Стандард 1:3. Табела: Стандард 8, Хановер 8, Копенхаген 4, Ворксла 1.
Група Ц: ПСВ Ајндховен - Хапоел Тел Авив 3:3, Легија Варшава - Рапуд Букурешт 3:1. Табела: ПСВ Ајндховен 10, Легија Варшава 9, Рапид Букурешт 3, Хапоел Тел Авив 1.
Група Д: Лацио - Цирих 1:0, Васлуи - Спортинг Лисабон 1:0. Табела: Спортинг Лисабон 9, Васлуи 5, Лацио 5, Цирих 2.
Група Е: Бешикташ - Динамо Киев 1:0, Макаби Тел Авив - Стоук 1:2. Табела: Стоук 10, Бешикташ 6, Динамо Киев 5, Макаби Тел Авив 1.
Група Ф: Салцбург - Атлетик Билбао 0:1, ПСЖ - Слован Братислава 1:0. Табела: Атлетик Билбао 10, ПСЖ 7, Салцбург 4, Слован Братислава 1.
Група Г: Австрија Виена - АЗАлкмар 2:2, Металист - Малме 3:1. Табела: Металист 10, АЗ Алкмар 6, Австрија Виена 5, Малме 0.
Група Х: Брага - Марибор 5:1, Бирмингам - Бриж 2:2. Табела: Брага 7, Бриж 7, Бирмингам 7, Марибот 1.
Група И: Атлетико Мадрид - Удинезе 4:0, Селтик - Рен 3:1. Табела: Атлетико Мадрид 7, Удинезе 7, Селтик 5, Рен 2.
Група Ј: Стеауа - Макаби Хаифа 4:2, Шалке - АЕК Ларнака 0:0. Табела: Шалке 8, Макаби Хаифа 6, Стеауа 5, АЕК Ларнака 2.
Група К: Твенте - Оденсе 3:2, Фулам - Висла Краков 4:1. Табела: Твенте 10, Фулам 7, Оденсе 3, Висла Краков 3.
Група Л: АЕК Атина - Локомотив Москва 1:3, Андерлехт - Штурм 3:0. Табела: Андерлехт 12, Локомотива Москва 9, Штурм 3, АЕК Атина 0.
Ибраими одигра цел меч за Марибор, Динамо К. без Попов во Истанбул
Агим Ибраими не успеа да се запише во листата на стрелци во убедливиот пораз (5:1) на неговиот Марибор кај Брага во четвртото коло во Лига Европа. Македонскиот репрезентативец беше стартер кај гостите од Словенија и ги одигра сите 90 минути.
Горан Попов, пак, поради повреда на тетивата не беше во комбинација кај Динамо Киев за мечот со Бешикташ. Украинците загубија во Истанбул со 1:0, а левоногиот офанзивен дефанзивец останува неизвесен и за претстојниот пријателски меч на репрезентацијата на Македонија против Албанија во Прилеп.
|
