Излетал автомобил, возачот загина

Ристо Д. (42) од струмичкото село Баница загина во сообраќајна несреќа што се случи во четвртокот во 20,50 часот кај селото Марвинци. Според полицијата, несреќата се случила кога автомобилот „ситроен ксантија“, управуван од Ристо Д., излетал од патот. Возачот се здобил со тешки повреди, на кои им подлегнал во Медицинскиот центар во Гевгелија, додека тројцата сопатници на возраст од 17 до 28 години, сите од Баница, се пренесени на лекување во болниците во Гевгелија, односно Струмица. Надлежните ги истражуваат причините за несреќата. (Г.А.)