29.04.2012, 12:08 Илбер Хиса нов амбасадор на Косово во Македонија
Владиниот координатор на стратегијата за северниот дел на Косово и поранешен потпретседател на партијата ОРА во Косово, Илбер Хиса е новиот амбасадор на оваа земја во Македонија, пренесува агенцијата „ИНА“.
Според информациите на агенцијата, Хиса деновиве бил наименуван на новата функција, а тој во Македонија доаѓа на местото на досегашниот в.д. амбасадор на Косово, Скендер Дурмиши. Освен во Скопје, Косово неодамна испрати амбасадор и во соседна Албанија, а функцијата му е доделена на генералот Сулејман Селими.
|
