26.04.2012, 12:37 Уапсен кумановец баран со потерница за „убиство во обид“
СВР Куманово го уапси 47-годишниот Н.О. од село Слупчане баран со потерница за сторено кривично дело „убиство во обид“.
По Н.О. беше распишана потерница бидејќи од страна на Основниот суд во Куманово му беше одредена мерка притвор за кривично дело „убиство во обид“ што го сторил на 23 февруари годинава пред кафе барот „Биг Бенд“во Куманово.
Од Министерството за внатрешни работи денеска соопштија дека осомничениот е фатен вчера во 14 часот и 30 минути пред просториите на Државниот тетовски универзитет на улица „ЈНА“ во дворот на поранешната фабрика „Киро Фетак“ во Куманово.
При извршниот претрес кај него се пронајдени и одземени пиштол марка М57 калибар 7,62 мм, кој го поседувал без дозвола, две рамки со 20 куршуми и рачна бомба.
Н.О. е фатен по претходно добиено оперативно сознание. Во вторникот од страна на Ш.Б. (43) било пријавено дека тој откако дошол во неговата куќа и ��е го нашол дома и се заканил на неговата сопруга, по што околу 21:30 часот со возило дошол пред кафетеријата „Биг Бенд“ и му се заканил. Ш.Б. видел дека Н.О. во неговото возилото имал формациско оружје.
Во тек е изготвување на кривична пријава за „недозволено изработување, држење и тргување со оружје или распрскувачки материи“ и „загрозување со опасно орудие при тепачка или караница“, по што Н.О. ке биде спроведен во Основен суд Куманово.
Претходно, СВР Куманово против Н.О. има поднесувано кривични пријави за „тешка телесна повреда“.
|
