17.11.2011, 14:02 Хаг ќе ја апси Флоренс Хартман
Портпаролката на Трибуналот треба да одлежи седум дена затвор за неплатени 7.000 евра.
Судијата Патрик Робинсон издаде налог за апсење на поранешната портпаролка на Хашкиот трибунал, Флоренс Хартмен, кој и изрече седумдневна затворска казна по правосилна пресуда, пишува Ал Џезира Балкан. Хартман, која од 2000 до 2006 година, беше портпаролката на тогашната главна обинителка Карла дел Понте, во 2009 година е осудена за непочитување на судот бидејќи објавила две доверливи одлуки од процесот против поранешниот српски претседател Слободан Милошевиќ. Казната беше 7.000 евра.
„Јас сум подготвена да ја платам таа казна доколку пресудата и процедурата која е водена против мене е во согласност со меѓународните стандарди“, изјави Хартман за Ал Џезира. Таа предходно во неколку наврати се оглуши на предупредувањата од судот да ја плати казната или да го извести судот за причините за неможноста за плаќање. Наместо тоа, Хартман два пати писмено му се обратила на Робинсон, тврдејќи дека не може да ја плати казната.
Го потсети судот дека за време на судењето во 2008 година тој прифатил дека таа нема пари за одбрана. Хартман писмено го информитраше судот дека личностите кои ја подрржувале собрале пари за исплата на казната и уплатиле на сметка во француска банка, од каде Трибуналот може да ги подигне парите. Меѓутоа Трибуналот барал Хартман лично да ја уплати паричната казна на судот. (Ал Џезира)
|
