17.11.2011, 13:59 Jункер: Излезот на Грција од еврозоната би бил катастрофа
Евентуалниот излез на Грција од еврозоната би претставувал катастрофа, бидејќи во таков случај земјата ќе се врати на една драхма, девалвирана за 60 проценти, а долговите ќе останат во евра, изјави претседателот на Еврогрупата Жан-Клод Јункер во интервју за германскиот весник „Генерал Анцајгер“. Според тоа прашањето за излез на Грција од евроозната е „теоретско“, нагласува Јункер. Тој смета дека патот, кој Атина го следи, е добар во однос на финансиите и стабилноста, но истакнува дека не би го нарекол овој пат „вистински“ се додека не може да се види светлината на крајот од тунелот.
|
