18.11.2011, 14:40 Воз прегази 14 овци кај Тетово
Тетово - Во железничка несреќа што денеска се случи на пругата Кичево - Скопје кај Тетово, усмртени се 14 овци, а три се повредени. На стадото овци, сопственост на Зијадин Зејнулаху (45) од тетовско Селце, околу 6:30 часот налетал патничкиот воз 6901, кај железничкиот мост на реката Пена. Според информации на СВР Тетово, по несреќата возот не застанал, продолжувајќи да се движи кон Скопје. Полицијата извршила увид на лице место и ги утврдува поединостите за причината и материјалната штета. (Г.Е.)
|
