21.11.2011, 14:51 Велија Рамковски и ќерка му имаат нови адвокати
Од минатиот четворток, со одлука на Судот, сопственикот на сега веќе згаснатата телевизија „А1“, Велија Рамковски има нов бранител. Со одлука на судот за нов бранител на Рамковски е именуван скопскиот адвокат Насер Рауфи. Освен оваа, судот направи уште една измена со тоа што на местото на адвокатот Мирослав Вуиќ, кој се јавува како бранител и на ќерката на Велија, Емел Рамковски, ја именувал адвокатката Билјана Крстевска.
„Откако бевме избрани од судот, ни беше даден рок од две недели за да го проучиме предметот. Веќе за денеска имам планирана посета на затворот ’Скопје’ и средба со обвинетиот Рамковски. Верувам дека средбата ќе потрае, но дека тој ќе ги прифати моите услуги“, вели адвокатот Насер Рауфи, Тој појаснува дека деновиве му бил овозможен увид во предметот наречен „Пајажина“, кој освен на Велија и Емел Рамковски се однесува и на нивни вработени во телевизијата, печатницата и бројните фирми кои биле регистирани на улицата „Перо Наков“ во скопската населба Маџари.
Продолежнието на овој судски процес е закажан за следниот понеделник, а на следното рочиште веројатно ќе бидат утврдени и другите термини за судење. (Љ.С.)
|
