17.11.2011, 14:35 Ален Зекиров не се појави на суд
Ниту телохранителот на Мијалков, ниту неговиот адвокат не се појавија на судењето на кое треба да одговара за прегазувањето на велосипедист.
Телохранителот на директорот на УБК, Ален Зекиров денеска не се појави на почетокот на судскиот процес на кој ќе треба да одговара за тешки дела против безбедноста во сообраќајот. На Зекиров му се суди за сообраќајна несреќа која се случи пред повеќе од две години, кога на булеварот „Партизански одреди“. Во близина на Буњаковец, со мотор удри во 73-годишниот велосипедист Симо Серафимовски, кој им подлегна на повредите.
На стартот на судскиот процес не дојде ниту бранителот на Закиров, поради ангажираност на друго судење, ниту синот на починатиот Серафимовски. Судијата побра да се испрати нова покана до Зекиров, кој постои можност на 23 декември и стражарно да биде спроведен во судница.
Како што информираше претседателот на судечкиот совет, првата покана за обвинетиот е неуредно доставена, а отсуството на неговиот бранител беше оправдано со негов ангажман во Апелациониот суд во Скопје.
За рочиштето кое што судот го закажа за крајот на следниот месец, судијата Драган Николовски рече дека ќе упати покана со на��ог за присилно спроведување на обвинетиот Закиров.
Делото за кое што се товари Ален Зекиров се случи кон средината на јуни 2009 година. Тој на булеварот „Партизански одреди“, кај ТЦ „Буњаковец“, управувајќи со голема брзина мотоцикл „агуста“ го прегази 73-годишниот Симо Серафимовски, кој во тие моменти со велосипед минувал на прешачки премин. Според кажувњата на очевидците на настанот, Зекиров со својот мотоцикл се движел со голема брзина, а по ударот велосипедистот бил отфрлен десетина метри подолу.
Случајот предизвика голем интерес во јавноста, поради одолговлекувањето на истрагата, која траеше повеќе од една година. Имено, на удар на јавноста најпапред се најде МВР поради наводното доцнење со поднесувањето на кривичната пријава, за потоа топката да биде префрлена кај Јавното обвнителство кое беше посочено како кочничар на постапката. Оттаму излегоа со став дека тие поднеле барање за спроведување на истрага, а судските истражни органи тврдеа дека истрагата е забавена поради незавршеното вештачење. (Љ.С.)
|
