„Пежо- Ситроен“ отпушта 4.000 работници во Франција




Францускиот авто-гигант „Пежо-Ситроен“ (ПСА) ќе укине најмалку 4.000 работни места во Франција следната година, во рамки на планот на намалување на трошоците на сите нивоа, соопштија синдикални извори на компанијата.

Влијателните синдикати вработени во автоиндустријата ЦГТ и ВФДТ предупредија дека 1.000 работни места ќе бидат укинати во производството, 500 во секторот на истражување и развој, 400 во другите одделенија и меѓу 2.200 и 2.500 вработени во партнерските компании.

Откази за околу 1.600 работници во партнерските фирми ќе следат и во секторот за истражување и развој, соопштија синдикалните лидери.

Компанијата ПСА минатиот месец објави дека планира отпуштање на „илјада работници“ во Европа, како дел од планот за заштеди во вредност од 800 милиони евра поради пад на продажбата на возила на европскиот пазар.