14.11.2011, 15:05 Украдени 12 икони од црквата „Св. Никола“ во Радожда
Непознати сторители ноќта меѓу 12 и 13 овој месец украле 12 икони кои потекнуваат од 19 век и еден сребрен крст со постољје од црквата „Св.Никола“ во струшкото село Радожда.
Материјалната штета, на бесправно однесените икони, кои се дел од културно-историското наследство, изнесува 1.800.000 денари.
Полицијата информира дека сторителите го скршиле цилиндарот од бравата на влезната врата, а потоа низ трпезариската просторија, преку незаклучена врата влегле во внатрешноста на црквата од каде ги одзеле иконите.
Според полицијата, непознати сторители истата вечер влегле и во пештерската црква „Св.Архангел Михаил“ во селото Радожда. Сторителите со употреба на алат и со физичка сила, насилно делувале врз цилиндарот од влезната врата на црквата и влегувајќи во внатрешноста извршиле пребарување на црковните простории, а откако не одзеле ништо го напуштиле местото.
Полициската станица од Струга работи на откривање на сторителите.
|
