15.11.2011, 11:23 Настапи на Владимир Четкар во Њујорк и Чикаго
Светски познатиот гитарист, охриѓанецот Владимир Четкар в сабота ќе има настап на познатиот њујоршки клуб „Дром“, а неговото претставување на американската музичка сцена го продолжува со настап во „Хипо“ барот во Чикаго, закажан за 3 декември.
Настапот на Четкар во Чикаго е организиран од Македонско-американскиот културно-едукативен центар, со поддршка на Министерството за Култура на Република Македонија.
Четкар на двата концерти ќе го придружуваат Мото Фукушима на бас-гитара и Џефри Фахардо на тапани. На интернет–страницата на клубот „Дром“ младиот охридски уметник е претставен како еден од најветувачките имиња на светската џез, фанк и соул музичка сцена.
|
