16.11.2011, 13:57 Дипломат во новинарството
Поранешниот министер за надворешни работи, Александар Димитров, му се врати на новинарството, од каде што кон крајот на шеесетите години на минатиот век почна неговата професионална кариера што потоа го однесе во дипломатијата.
По повеќе од три децении пауза од директен ангажман во медиумите, за многумина беше изненадување веста дека Димитров му се вратил на пишаниот збор како дипломатски уредник во новиот дневен весник „Фокус“. Така се викаше и првиот независен весник во Македонија, кој излегуваше од 1969 до 1971 година, а Димитров беше еден од неговите основачи, а и уредник во него.
Во 1972 година тој премина во „Млад борец“, каде што беше уредник до 1979. Потоа и' се посвети на дипломатијата, а врвот го достигна во 1998 година кога стана министер за надворешни работи во Владата на Љупчо Георгиевски. На таа функција остана до крајот на 2000 година, кога се растури коалицијата на ВМРО-ДПМНЕ со ДА - партијата која го кандидираше за шеф на дипломатијата.
„Враќањето во новинарството за мене значи враќање кон корените“, вели Димитров. Тој нагласува дека сега сака да ги искористи своите познавања за дипломатијата за да им ги приближи на македонските граѓани меѓународните односи и евроатлантските процеси.
Него��иот професионален стаж во дипломатијата е подолг од времето што го поминал во медиумите. Три години беше советник за меѓународни односи во Претседателството на СРМ, а потоа уште една деценија на високи функции во Секретаријатот за односи со странство.
Димитров вели дека во изминатите 32 години новинарството било негова пасивна професија. Дека следел се' што е нашишано, но не пишувал. Затоа, пак, сега, планира следните две години, до пензионирањето, да и' ги посвети на својата прва професија. (А.М.М.) |
