Пратениците ќе расправаат за заемот од Дојче банк и Сити банк



Според законското решение Македонија ќе добие заем од 130 милиони евра по поволни услови, со рок на отплата од пет години.

Предлог законот за задолжување на Република Македонија со заем кај Дојче банк и Сити банк денеска е на дневен ред пред пратениците.

Според законското решение Македонија ќе добие заем од 130 милиони евра по поволни услови, со рок на отплата од пет години, еднократно по истекот на петта година по повлекување на средства и фиксна каматна стапка која во денешни услови изнесува 4,2 проценти. Гаранција за заемот е обезбедена од Светска банка.

Средствата ќе бидат потрошени за сите буџетски потреби и за тековни расходи и за капитални инвестиции и оти тие се и поддршка на економијата.