Пешевски: Проекцијата на СБ е на дневна основа



Проекциите на Светска банка, според кои економскиот раст за наредната година може да достигне 2,5 проценти, а не 4,5 проценти, како што проектираше Владата, според вицепремиерот за економски прашања Владимир Пешевски биле проекции на дневна основа, а Владата не можела да ги менува така проекциите.

„Како што кажаа и од Светска банка тие прават промени на дневна основа бидејќи динамиката на светската криза се менува во зависност од тоа што се случува на политички план во земјите што се зафатени од кризата, а ние го немаме тој луксуз да ги менуваме проекциите на дневна основа“, изјави денеска Пешевски.

Според него, во предложениот буџет за наредната година, има флексибилност и доколку има потреба тој ќе биде соодветно приспособен во текот на годината, но потенцира дека засега Владата останува на она што е дадено како проекција во предложениот буџет за 2012 година. (Ек.Р.)