23.11.2011, 14:13 Кастрати ја презеде функцијата шеф на косовските безбедносни сили
На посебна свеченост организирана во касарната „Адем Јашари“ во Приштина генерал мајорот Кадри Кастрати вчера ја презеде функцијата шеф на Генералштабот на безбедносните сили на Косово.
Како што јави дописникот на МИА, Кастрати, кој до сега беше директор на Управата за операции на безбедносните сили и е дел од кадарот кој се школувал и обучувал во САД и во западноевропски воени академии. Тој ќе го наследи генералот Сулејан Селими, кој заминува на должност амбасадор во Тирана.
Неговото именување е со указ на претседателката Атифете Јахјага, која е врховен командат на вооружените сили и која му го предаде и знамето на вчерашната свеченост.
Командантот на КФОР Едвард Древс изрази пофални зборови за работата на безбедносните сили на Косово, посебно за досегашниот нивен прв човек, Селими.
Тој му се обратил и на новиот шеф, Кастрати, потсетувајќи го на обврските и одговорноста кои го очекуваат на новата функција, искажувјаќи му натамошна поддршка од КФОР.
Пофални збоови и благодарност на Селими му искажал и министерот а одбрана Агим Чеку, кој му упати честитки за изборот на неговиот наследник. Тој на Селими му подари оружје марка „Лог 17“.
|
