24.11.2011, 12:14 Се урна авион во Аризона, сите шест лица исчезнати
Мал авион се запали и урна во планинскиот регион на југозападната американска сојузна држава Аризона, а постои стравување дека сите шест патници од авионот се загинати, соопштија локалните власти.
- Единствено што знаеме е дека во авионот се наоѓале шест лица. Поради природата на несреќата и местото на кое се случила, постојат мали шанси некој да преживеал, изјави портпаролот на канцеларијата на локалниот шериф.
Спасувачките екипи се обидуваат да се пробијат до местото на несреќата, која се случила вчера во јужниот дел на Аризона.
Тимот спасувачи кои го пребаруваат теренот со хеликоптери користат инфрацрвени детектори, но постојат многу мали шанси дека некој од шестмината патници во авионот ќе биде пронајден жив.
|
