25.11.2011, 12:22 iPhone 4S пристигна во Македонија
Од Денеска во Македонија, во продажните салони на „Т-Мобиле“ ќе може да се купи новиот модел на популарниот смартфон на Епл, iPhone 4S.
Освен кај нас, од денеска телефонот е достапен и во Хрватска. До крајот на оваа година, најпопуларниот светски смартфон треба да биде достапен во 70 земји.
iPhone 4S има ист изглед како и неговиот претходник, но, се разликува по конфигурацијата, која е далеку подобра. Новиот модел има А5 процесор со две јадра, 8 мегапиксели камера која може да снима до 1080 HD пиксели.
Новиот Ајфон, од неговото лансирање, сруши неколку рекорди за продажба, но го следеа и низа контроверзи. Поради новиот оперативен систем, iOS 5, на почетокот корисниците се жалеа за траењето на батеријата, а потоа се појавија и аудио, како и wi-fi проблеми. Од Епл за првите проблеми издадоа подобрена верзија 5.0.1, а за аудио и wi-fi проблемите се уште не се огласиле.
|
