28.11.2011, 14:58 Неонацисти сакаат да ги истераат сите кои не се Германци
Германија стана свесна за ова село откако е откриена ќелија која убивала Турци.
Институт за заштита на уставот, разузнавачка агенција за надзор на екстремисти, проценува дека во државата има 25.000 десничарски екстремисти, додека од нив 9.500 се несилни. Спред најновите податоци, десничарските екстремисти од 1990 година се одговорн за убиство на 47 лица.
Крупен 37-годишен маж набрзина помина покрај новинарите, влезе во куќата – типична за фризискиот брег, со високо приземје од црвена цигла и ја затвори вратата над кој се заниша натпис „Подобро мртов отколку роб“. На само неколку стотина метри одалеченост се наоѓа неговата фирма. Се занимава со некој вид на градежништво. Тоа можеше да се заклучи од логото на компанијата, но тој црн амблем на кој се гледа работник како со чекан ја крши Давидовата ѕвезда многу зборува за сопственикот.
Свен Кругер со децении – откако како 18-годишно момче се појави на телевизија и многу јасно кажа дека од неговото село, сега веќе ноторниот Јамел на север од Германија – треба да се протераат сите не-Германци – симбол на неонацистичко движење кое тлее под радарот на полицијата. За него Германците станаа болно свесни кога неодамна – случајно – открија група неонацисти, екстремисти од националсоцијалистичкото подземје „ќелија Цвикау“, одговорна за убиство на осум турци, еден Грк и германска полицајка од 2000 до 2007 година и грабеж на 14 банки.
„Не бевме изненадени. Проблемот со десничарскиот радикализам е потценет. Уште во 1998 година предупредувавме дека милитантите си зедоа многу за слобода. Што мислите, како би се реагирало ако извршители на убиствата беа доселеници?“, прашува Анета Кахон, претседателка на фондацијата за борба против расизмот Амадеу Антонио. Институтот за заштита на уставот, разузнавачка агенција за надзор на ултралевичарски и десничарски екстремисти, проценува дека во државата има 25.000 десничарски екстремисти, додека од нив 9.500 се насилни. Според најновите податоци десничарските екстремисти од 1990 година се одговорни за убиство на 47 лица. Кахон вели дека таа бројка е многу поголема и изнесува 185. „Многу убиства од расна омраза не се така класифицирани бидејќи се пронаоѓаат разни причини: жртвата била поднапиена, станува збор за препирка поради пари...“, објаснува Кахон.
Потврда на тој став доаѓа и од семејството на еден од Турците кој во 2006 година во Дортмунд беше застрелан во главата. Наместо да се сконцентрираат на сомнежот дека зад убиството стои неонацистичка група, полицијата како причина за смртта наведе наводни коцкарцки долгови. Семејствата на не-Германци веќе долго не сакаат да ризикуваат – се иселуваат од подрачјата во кои цвета неонацизам, а нив ги заменуваат екстремисти.
Егзодусот на непожелните од Јамел трае долго – сега тоа е селце од десетина куќи во „сопственост“ на неонацисти, предводени од Кругер кој во комплексот на својата компанија, оградена со ѕид над кој се надвиснува дрвена стражарска кула, како во концентрационите логори, организира забави, како на пример скара со тема „Среќен холокауст“.
Јамел, како и краеви од поранешна ДДР, особено во должина на границата со Полска, се плодно тло за неонацистите. Идеолошки: во ДДР не се работеше на критичко набљудување на историјата и всадување на вина за нацистичките злосторства. Економски: заминување на населението во побогатиот, западен дел почна по обединувањето, и доведе до тоа невработеноста да достигне 20 отсто, бројот на население се намали на третина од некогашното. Напуштен, со мала индустрија, малку работни места или само со земјоделие, во тие делови никнуваат неонацистички групи, тн. Камараденшафен. „Групите се цврсто поврзани. Неонацистите се инфилтрираат во заедница и врбуваат млади. Водат спортски клубови, детски градинки. Цела мрежа која поврзува соседни места“, предупредуваБернд Вагнер, поранешен полицаец, основач на групата „Егзит“ која помага во премин од неонацистичка група во нормален живот. „Расистичката идеологија е првиот чекор“ – предупредува Вагнер и додава: „Втор, логичен е насилството“. (Вечерњи лист)
|
