22.11.2011, 15:40 Повредени три лица во сообраќајка во Тетово
Три лица се повредени, а три возила се оштетени во сообраќајна несреќа што синоќа околу 20 часот и 40 минути се случи на улицата „Љуботенска’’ во Тетово.
Како што информираат од СВР Тетово,патничко возило „Опел астра’’ со тетовски регистерски таблици, што го управувал Ш.И(25) од Долно Палчиште, загубило контрола во движењето и удрило во И.А (21) од Мала Речица. Од ударот, пешакот задобил тешки телесни повреди (скршеница на нога) и со друго возило веднаш бил пренесен во тетовскиот клиники центар. По укажаната лекарска помош, итно е префрлен на скопските клиники.
- „Астрата’’ удрила и во две патнички возила „Рено конго’’ сопственост на К.С ( 34) и „БМВ’’ сопственост на Х.М ( 36 ), двајцата од Мала Речица, кои биле паркирани на оваа улица, а оштетило и дрвен електричен столб на ЕВН Тетово, како и стаклен излог на „Геоплан -пласт’’. Возачот и совозачот В.Т (24) од истото село, пренесени и задржани се во тетовскиот клинички центар, изјави портпаролот на СВР Тетово Марјан Јосифовски.
Полицијата извршила увид на местото од несреќата и првично причина за истата е неприлагодена брзина, додека причинетата штета се проценува на околу 100 илјади денари.
|
