30.11.2011, 11:36 Косовски Срби забетонираа барикада крај Звечан во северно Косово
Косовски Срби поставија дополнителни зајакнувања на барикада во местото Дудин крш во општината Звечан во северно Косово по главниот пат Косовска Митровица-Лепосавиќ.
Барикадата која е висока околу 2,5 метри беше бетонирана синоќа. Врз неа е поставена и бодликава жица.
Косовски Срби поставија врз барикадата освен песок и камења и арматура и бетон така што е речиси невозможно да се стигне од јужниот дел од Косовска Митровица кон Звечан, јави Танјуг.
Пред неколку дена војници на КФОР се обидоа да ја отстранат таа барикада, но се спротиставија голем број Срби и поставија нова, поголема барикада која ноќеска беше зајакната и бетонирана.
|
