(ВИДЕО) Сензација на Кристал Палас на „Олд Трафорд“
Членот на „Чемпионшип дивизијата“, Кристал Палас, синоќа приреди огромно изненадување откако во четвртфиналето на Карлинг Купот го совлада Манчестер Јунајтед на „Олд Трафорд“ со 2:1 по продолжение. Во регуларниот дел беше 1:1.
Гостите поведоа во 65.минута преку Дарен Амбросе, а „црвените ѓаволи“ изедначија од пенал преку Федерико Македа четири минути подоцна. Победоносниот гол за Кристал Палас во 98.минута го постигна Глен Мареј.
Пласман во полуфиналето ден претходно обезбедија: Ливерпул, Манчестер Сити и Кардиф.
Во полуфиналето ќе се состанат премиерлигашите Манчестер Сити - Ливерпул и членовите на Чемпионшип дивизијата Кардиф - Кристал Палас.
Термини за првите натпревари за полуфиналето се: 9 јануари 2012, а реваншите се закажани за 23 јануари.
