29.11.2011, 11:17 Малага со победа над Виљареал го заокружи колото во Примера
Фудбалерите на Малага со 2:1 го победија тимот на Виљареал на синоќешниот натпревар со кој беше заокружено 13. коло од Примера Дивизија.
Џереми Тулалан ги доведе домаќините во водство во 5.минута, Рубен Родригез десет минути подоцна изедначи на 1:1, а победата за Малага ја донесе Франциско Суарез во 40.минута.
Стрелецот на првиот гол Тулалан, во 75.минута поради втор жолт картон беше исклучен, но Виљареал не успеа да ја искористи предноста од играч повеќе во последните петнаесетина минути.
Со новите три бода Малага се искачи на петтото место на табелата, сега има 23, а Виљареал остана на 12-тото место со 14 бодови.
Табела: Реал Мадрид 34 бодови, Барселона 28, Валенсија 27, Леванте 26, Малага 23, Севиља 21...
|
