Барса убедлива против Рајо Ваљекано



Серијата голови ја почна Алексис Санчез во 29. и 41. минута, на 3:0 зголеми Давид Виља во 43., а конечните 4:0 ги постави Лионел Меси во 50. минута.

Европскиот и шпански првак, во моментот второпласирана екипа во Примера, Барселона синоќа постигна убедлива победа на Камп Ноу од 4:0 против Рајо Ваљекано. Ова беше натпревар од 17. коло кој се одигра порано, бидејќи Барселона во средината на месец декември ќе настапи на Светското клупско првенство во Јапонија.

Серијата голови ја почна Алексис Санчез откако во 29. и во 41. минута го совлада голманот на гостите. На 3:0 зголеми Давид Виља во 43. минута, а конечните 4:0 ги постави Лионел Меси во 50. минута.

Со новите три бода, Барса со вкупно 31 остана на второто место на табелата, но сега има само три помалку од лидерот Реал Мадрид. Рајо Ваљекано со 16 бодови се наоѓа на 11. место.