30.11.2011, 15:16 Груевски најави отворање амбасада во Токио
Ова е прва посета на македонски премиер на Јапонија од 1994 година
Продлабочување на билатералните и мултилатералните односи меѓу Македонија и Јапонија како две пријателски земји беа тема на средбата на премиерот Никола Груевски со неговиот јапонски колега Јошихико Нода, што се одржа во Токио. Ова е прв пат од воспоставувањето на дипломатски односи меѓу двете земји во 1994 година, премиер на Македонија да доаѓа во посета на Јапонија. На средбата било нагласено дека постои огромен, неискористен потенцијал за натамошно унапредување и продлабочување на соработката во сите области, а особено во економската сфера.
Во рамките на посетата се организирани два бизнис-форуми, во Токио и Осака, поради што премиерот Груевски ги преставил поволностите и компаративните предности кои што ги нуди македонската економија, а кои можат да ги поттикнат јапонските бизнисмени да ја искористат Македонија како порта за водење на нивниот бизнис во Европа. Дека владата им придава големо значење на односите со Јапонија, премиерот го илустрираше со одлуката на крајот на 2012 година да биде отворена наша амбасада во Токио, искажувајќи наедно интерес за реципрочно отворање на јапонска амбасада во Скопје во блиска иднина.
Во контекст на стратешките определби, Груевски информирал за реформските процеси што се преземаат и за тоа дека единствена пречка во европските и евроатлантските интеграции е наметнатиот спор за уставното име.Груевски исто така изразил благодарност за досегашната финансиска и техничка поддршка од Јапонија, укажал на зголемен бројот на туристи од азиските земји во Македонија со наредж дека пуштањето во употреба на реновираниот аеродром во Скопје ќе се зголеми бројот и на јапонските туристи, кои секогаш се добредојдени во Македонија. Тој искажал и интерес за зголемување на бројот на стипендии за македонски студенти за усовршување или постдипломски студии на државните универзитети во Јапонија.
Груевски оствари средба i со Неговото Царско Височество крунскиот принц Нарухито, престолонаследник на царот Акихито, што претставува прва средба на македонски премиер со висок претставник на jапонското царско семејство.
На средбата, премиерот Груевски уште еднаш изрази сочувство до јапонскиот народ за големиот број на загубени животи и огромната материјална штета од природната катастрофа што ја погоди Јапонија во март 2011 година, како и од проблемите кои се јавија во нуклеарната централа Фукушима.Притоа, укажа дека vладата , како гест на солидарност vo рамките на своите можности се вклучи во хуманитарните напори на меѓународната заедница.
|
