|
18.11.2011, 14:51 Никовски: Немаме право на нови грешки во спорот со името
Македонија пропушти премногу прилики за решавање на спорот со името и веќе немаме право на нови грешки. Ризикуваме да ги уништиме вековните стремежи и соништа на нашите претци, а такво право немаме, изјави денеска поранешниот амбасадор Ристо Никовски, на предавање организирано од Здружението на историчарите на Македонија.
Според Никовски, не забележуваме дека индикаторите и фактите недовосмислено покажуваат оти по распадот на СФРЈ во процес е сериозен обид еднаш засекогаш да се затвори македонското прашање.
- Настаните низ кои врвевме последниве дваесет години потврдуваат дека не само за Грција туку и за клучни меѓународни фактори Македонија и нејзиниот народ беа прифатливи само како дел од федерација, не како засебна целосно независна држава. Друго логичко размислување за се што ни се случува нема, вели Никовски.
Кај нас, додаде тој, се уште се смета дека нашиот противник е Грција и оти таа ни го оспорува народот, јазикот... дека оттаму дојдоа блокадата на приемот во НАТО и почетокот на преговорите со ЕУ и уцените прво да се промени/реши името, а потоа интеграцијата.
- Формално Атина го отвори проблемот и стои како заинтересирана страна зад него. Таа сама единствено ја блокираше границата нанесувајќи огромни штети на економијата, се друго за нашата држава посредуваа други, многу посилни фактори. Беспоговорната поддршка што Атина ја добива потврдува дека зад тоа стојат други позначајни интереси. Годините на целосно независна Македонија недосмислено покажуваат дека САД поддржани од ЕУ, Франција, Германија и Британија не само што стојат зад грчката политика туку се и нејзини носители, вели поранешниот дипломат. Според Никовски, се работи за долгорочно добро разработено сценарио.
Амбасадорот Никовски истакна дека Македонија за решение исплатливо за неа треба да се избори во Вашингтон и Њујорк, а не во Атина.
- Досегашниот развој на настаните недовсмислено покажува дека Вашингтон е центарот на одлучување. Концептот за надминување на спорот се дефинира во Стејт департментот, не во Атина. Таму мораме да се избориме за решение кое би било исплатливо за нас, со кое не само што нема да се доведува во прашање националниот идентитет на Македонците туку многу повеќе. Ние не смееме да дозволиме во истото да не бидат вклучени сите отворени прашања меѓу двете земји, како признавање на македонското малцинство во Грција, имотите на протераните..., смета Никовски.
А кога тоа ќе се постигне, според него, треба да се финализира процедурата во Њујорк.
- Формално, на крајот, ќе биде вклучена и Атина. Тоа може да биде преку замена на Времената спогодба со нова трајна, но и таа формалност во моментов не е возможна поради кризата во Грција, тврди Никовски кој предвидува кризата кај јужниот сосед да трае десетина години, а прашањето за името веќе не е ниту на агендата на Атина.
|
|
|
|
Статијата е прочитана 1808 пати.
|
Испрати коментар
|
|
| Napoleon, 18.11.2011 16:13:56 | | Друго логичко размислување за се што ни се случува нема, вели Никовски. Nikovski razmisluva logicno, kako i jas. Eve jas sum Napoleon ama imeto nikoj ne mi go priznava i me smestija vo bolnica. Zaklucuvam deka ima svetska zavera protiv mene. Друго логичко размислување за се што ми се случува нема, velam jas. |
| | niko, 18.11.2011 16:34:52 | | zarem dosega imate zgreseno. nemoguce. |
| | todor, 18.11.2011 17:22:23 | | Konecno edno pametno razmisluvanje. Ne slucanjo i nasata vlada ne saka da se resi imeto vo interes na nadvoresnite centri. Zarem ne kazuva nesto sto dosega amerikancite vo svoite izvestai gi stavaa i egejcite a denes pod vodstvoto na predavnikot Gruevski gi snema od tie izvestai. |
| | Shto veli CNN, 18.11.2011 17:40:33 | | Palestinskiot sovetnik dr Igor Janev im predlozhil na Palestina da zaobekolat SB na ON preku Rez. 337 na GS ON so naziv: Obedineti za Mir, od 1950. Imeno vo taa rezolucija stoi deka koga SB na ON e vo pat pozicija, negovite funkcii gi prezima GS na ON. Za toj sovet Janev dobi dva milioni dolari od Palestinicite. |
| | едноставно, 18.11.2011 18:12:31 | | Не постои никаков светски заговор против РМ и македонскиот народ.Проблемот е едноставен.Никогаш ВМРО,од своето основање до денес, не ја признало Егеј.Мк.како дел од Грција.Во 1990 ВМРО на Георгиевски го закажуваше вториот конгрес на партијата(под карти на голема Мк.)во „наш“Солун.Денес ВМРО-то на Груевски(кој се сликаше под тие карти) ја претставува РМ како наследничка на ант.Мк.што значи и на историјата и територијата на ант.Мк.(која се наоѓа во Грција).Таа политика на ВМРО,СБ на ОН ја оцени како опасност по мирните односи во регионов.Значи,никој не ја негира РМ како држ.на македонците од словенско потекло во рамките на сегашните граници,но никој нема да прифати Егеј.Мк.да е дел од РМ,и РМ да е признаена како наследничка на ант.Мк.САД,НАТО,ЕУ не се подржувачи на Грчката политика,туку се противници на присвојувањето на Егеј.Мк. и антиквизацијата од стр.на ВМРО. |
| | od ANDERLCHT-BELGIJA, 18.11.2011 18:55:26 | | ..nemojte da go potcenuvate Ohridskiot Dogovor vo seta ovaa situacija, KOJ E NAMERNO PRESMETANA VREMENA BOMBA koja Zapad ja kontrolirat za svoja potreba . Eden belgiski novinar vo edna recenica se prasuvat DALI IMETO MAKEDONIJA ,ako ostane za drzavata Makedonija , ZNACIT EKA ZAPAD JA GUBIT GRCIJA,ALBANIJA, vo prviot plan A OTOA ITALIJA FRANCIJA,SPANIJA ,..drzavi so KOMUNISTICKA RADICIJA ( RABOTNICKO-SOCIJALNA) nasproto Kapitalistickata formacija ?? |
| | Brane, 18.11.2011 20:33:36 | | Covek koj mozebi saka drzavata da ja prodade na Rusija koja sekogash bila na strana na Grcija. Cudno e shto na ovoj covek shto nevidlivo raboti za interesite ne Grcija tolku vaznost mo davaat gruevite megafoni. |
| | Vančo od Amerrika, 18.11.2011 20:42:47 | | Ako se točni tvrdenjata na počituvaniot ambasador togaš se postavuva prašanjeto dali nie kako država pravime se što e potrebno vo Vašington da se najde tolku posakuvanoto rešenije. Ako nie znaeme da od američkata adm inistracxija zavisi se togaš dali nie so nea sorabotuvame dobro ili so brojni ne promisleni čekori rabotime na svoja šteta. Vo taa smisla politikata na ankvizaccija nee nimalko promislena. Ona e možebi produktivna vo sobiranjeto politički točki na domašnata politička scena, ama na megunareden plan toa e golema greška. Ako rešenieto na imeto zavisi i od golemite evrospki državi( Anglija, Francija i Germanija) togaš i vo odnosite so niv makedonskata diplomatija mora da bara načini kako da ja pridobije nivnata naklonetost, a nie toa ne go pravime. Zatoa tezata deka za celta situacija vo koja se naogame e kriva megunarodnata zaednica nee sosema točna. Del od vinata stoi i kaj golemite propusti na našata nadvorfešna politika. |
|
|
|
|
|
„УТРИНСКИ ВЕСНИК“
ЕЛЕКТРОНСКО ИЗДАНИЕ
 |
|
|
|
|
Време
|
Скопје, -5°C
Магла
|
Понеделник
Сончево
Макс: 11°C, Мин: -5°C
|
Вторник
Магла
Макс: 11°C, Мин: -3°C
|
|
|
|
|
|
|
|
