10.01.2013, 15:27 Лустрирани двајца нови кодоши
Уште двајца поранешни функционери се прогласени за соработници со тајните служби. Комисијата за верификација на факти на денешната седница донела решенија со кои поранешен член на Советот за радиодифузија и поранешен директор на основно училиште во Кичевско се прогласени за кодоши и нивните досиеја наскоро ќе бидат јавно обелоденети.
Лустраторите го отфрлија и решението на Управниот суд, кој поништи две решенија за ексамбасадорот во Полска, Петре Накоски и некогашниот секретар на Службата за државна безбедност, Хетем Адеми поради формално-правни пропусти. Лустрациска вчера ги укинала решенијата, за веднаш да донесе нови со кои што повторно ја потврдила претходно донесената одлука.
Што се однесува до ново лустрираните функционери, од комисијата велат дека првиот бил член на Советот за радиодифузија од 2006 до 2008 година и бил избран по предлог на МАНУ.
„Почнал како информатор на тајните служби во 1978 година и бил регистриран како соработник под псевдонимот „Превер“. Настапувал од позиција на македонски национализам и бил одговорен за следење на состојбите во литературнмите и културните кругови во земјава.
Вториот поранешен функционер кој се наде на „тапет“ на лустраторите, е поранешен директор на училиште, кој соработувал со тајните слу=би во периодот од 1990 до 1998 година. Во неговото досие има десетина белешки за повеќе лица кои биле предмет на негова обработка. Настапувал од позиција на албански национализам и за својата актиност добил и парична надокнада, велат во Комисијата за верификација на факти. (Д.Т.)
|
