11.01.2013, 12:03 Нуланд: Му помагаме на Нимиц и се надеваме на заемно прифатливо решение
Се надеваме дека лидерите на Македонија и на Грција ќе најдат заемно прифатливо решение за прашањето за името и ќе ги искористат напорите на амбасадорот Метју Нимиц да постигнат напредок, изјави портпаролот на американскиот Стејт Департмент Викторија Нуланд во врска со посетата на посредникот на ОН на Скопје и на Атина.
Запрашана за улогата на американските дипломати во Скопје и Атина и дали тие помагаат за напредок во разговорите за името, Нуланд на редовниот брифинг во Вашингтон изјави дека САД отсекогаш ги поддржувале напорите на Нимиц за решавање на долгогодишниот спор.
- Кога тој бара од нас да помогнеме, ние се обидуваме да бидеме корисни. Секогаш ги следиме неговите посети на Скопје и Атина, и очекуваме да слу��неме дали има нешто ново, изјави Нуланд.
|
