Изгаснат пожарот во магацин за шеќер и масло во Глумово

Пожарникарите го локализираа и изгаснаа пожарот кој синоќа во 20:59 часот изби во магацин за шеќер и масло за јадење, што се наоѓа на патот кон скопското село Глумово. Во пожарот нема повредени лица.

Командантот на Скопската противпожарна бригада Благоја Менковски соопшти дека се опожарени 500 метри квадратни приземје и 500 метри квадратни подрумски простории ��д магацинот.

Пожарникарите по неколку часа успеале да спречат пожарот да се прошири и да ги зафати околните куќи.

Командирот на смена во БППЗ Скопје, Ѕвонко Томески изјави дека утрово на местото на пожарот се испратени осум пожарникари со три противпожарни возила, кои работат на расчистување на теренот.