15.03.2012, 16:34 Ахмети: Дијалогот всушност е започнување на преговорите со ЕУ
Дијалогот на високо ниво е всушност започнување на преговорите, бидејќи на ист начин продолжуваат и другите земји кои што и официјално ги започнуваат преговорите за членство во ЕУ, одговори претседателот на ДУИ Али Ахмети по денешната средба со еврокомесарот Штефан Филе, на новинарското прашање дали очекува Македонија да добие датум за почеток на преговорите со ЕУ и без да се реши спорот за името.
Отворањето на суштинскиот дијалог, според него, има и симболично значење и праќа порака да не се изгуби довербата за унапредување на прогресот на земјата кон ЕУ, но секако, подвлече, претставува и мотив за сите нас да работиме повеќе.
- Сакам да ја истакнам важноста на суштинскиот дијалог за поглавјето 23 и 24, како и нашите ветувања за тоа дека сите министерства терба да ги исполнат своите обврски кои произлегуваат од овој дијалог за овие поглавја, со цел да не ги разочараме ниту нашите европски пријатели, ниту сите граѓани кои посакуваат да ја видат Македонија во ЕУ, изјави Ахмети.
Лидерот на ДУИ Али Ахмети денеск�� му се заблагодарил на еврокомесарот за проширување Штефан Филе за придонесот што го дава за унапредување на билатералните односи меѓу Република Македонија и ЕУ.
|
