30.01.2012, 14:17 Ограбени две спортски обложувалници
Две спортски обложувалница во Скопје и во Кавадарци во вчера вечер беа цел на разбојниците. Повредени нема, а украдени се преку 330.000 денари. Според полицијата, околу 21 часот, две вооружени лица упаднале во „Спорт лајф“ на улицата „Сава Ковачевиќ“ во скопската населба Кисела Вода и заканувајќи му се на 29-годишниот вработен, одзеле 300.000 денари од дневниот промет и побегнале.
Дваесетина минути подоцна, двајца маскирани напаѓачи, со нож во рацете ја ограбиле обложувалницата „Ас спорт“ на улицата „7 Септември“ во Кавадарци. Одзеле 30.000 денари и заминале, велат од полицијата. По разбојниците се трага. (Г.А.)
|
