08.04.2012, 12:09 Во сообраќајка во Хаити загинаа 27 лица
Најмалку 27 лица загинаа денеска во тешка сообраќајна несреќа во јужниот дел на Хаити.
Возачот на автобусот, кој превезувал трговци за локален пазар, изгубил контрола над возилото и автобусот се превртел на автопатот, на околу 10 километри јужно од главниот град.
Спасувачките екипи продолжуваат да работат на местото на несреќата. Полицијата започна истрага.
Сообраќајни несреќи во земјата се чести поради лошиот квалитет на површината на патот, лошата состојба на транспортните средства и несовесните возачи.
|
