Дал 1.000 долари, бара половина од „Фејсбук“

Американецот кој продолжува со правната битка за половина сопственост на „Фејсбук“ нема да биде во можност да го испраша основачот на компанијата, Марк Цукерберг, во оваа фаза од парницата, нареди судијата. Пол Сиља вели дека во 2003 година му дал на Цукерберг 1.000 долари за да му помогне да го формира „Фејсбук“ и дека бил потпишан договор. „Фејсбук“ наведува дека документот е фалсификат и бара да биде сопрена постапката.

Од адвокатите на Сиља е побарано да достават експертски извештај за договорот во период од два месеца. Судијата за прекршоци Лесли Фошио, исто така, наведе дека адвокатите на Сиља ќе бидат во можност да ги испрашаат експертите на „Фејсбук“ во врска со документот на две странички.

Додека Сиља, од Бафало, Њујорк, вели дека договорот му дава право на половина сопственост на „Фејсбук“, Цукерберг тврди дека не ја формирал социјалната мрежа во наведеното време.

Адвокатите на „Фејсбук“ посочуваат дека Сиља и Цукерберг потпишале договор во 2003 година за развој на софтвер за мапи��ање на улици. Тие тврдат дека Сиља потоа го фалсификувал документот за да ги внесе референците за „Фејсбук“. Покрај тоа што не е во можност да го испраша Цукерберг во оваа фаза, судијата Фошио, исто така, одби да им дозволи на адвокатите на Сиља пристап до компјутерите од 2003 година на Цукерберг. (Би-Би-Си)