09.11.2011, 14:49 Владата вети повеќе пари за иновации
Европската комисија препорачува дека треба 3 проценти од домашниот бруто-производ на секоја земја да се насочат за истражување и за развој на иновациите и науката. Македонија не го исполнува тој просек, но министерот за образование Панче Кралев вети повеќе средства за оваа намена. „Ние не сме се' уште на тоа ниво, но наша интенција е постепено да создадеме рамка и континуирано од година на година да расте процентот што го одвојуваме за наука и иновации. Веруваме дека во следните години ќе обезбедиме средства во нашите буџети со кои ќе ги поткрепиме заложбите и оти во некој разумен период ќе можеме да бидеме дел од европскиот просек, нагласи Кралев на вчерашниот Форум – развивање стратегија за иновации 2012-2020 година.
Учесниците се согласија дека на земјава и е неопходна таква стратегија која треба да создаде платформа со која ќе се создаде и кохерентен пристап кон поттикнување и мотивирање на иновациите како основен двигател на секоја економија.
Кралев посочи дека основната функција на иновациите се одвива во научно-истражувачките институти и универзитетите, и дека за нивно поттикнување работи и Министерството за образование и за наука. Активности се вклучени кон универзитети-академска заедница, но и кон приватниот сектор. Според уверувањата на мини��терот, таквите дејствија ќе ги обединат сите и ќе се создаде заедничка цел во поглед на иновациите и на развојот на македонската економија. (Г.С.)
|
