Штрајк „да“, но по правила

Никој неможе да го оспори правото на штрајк на граѓаните или на вработени без разлика за која област се работи, но со закон е предвидено дека треба да се запази минимумот за непречено остварување на правата од здравствена заштита на пациентите. Ова го изјави народниот правобранител Иџет Мемети одговарајќи на новинарско прашање на маргините на тркалезната маса посветена на дискриминацијата.

- На меѓународен и на домашен план има правила на однесување за време на штрајк. Ако одреден револт се изразува на таков начин секако дека има правила како треба да се организира штрајкот и да се изразува, рече Мемети и додаде дека правото на штрајк не е како и другите права, односно не е апсолутно.

Мемети информира дека разговарал телефонски со претставници на штрајкувачите-лекари и дека денеска до институцијата Народен правобранител доставиле документација, по која треба да се постапува.

- Не можам сега да одговорам кој е во право во оваа ситеуција за��оа што треба сериозно да ги разгледаме сите аспекти од овој штрајк и на крај да извлечеме заклучок кој ќе биде меродавен, посочи Мемети.