Се поставува новогодишната елка

Новогодишната елка од денеска почна да се поставува во тревата пред МЕПСО. Годинава, таа е бела и ќе свети бело. Висока е околу 20 метри. Екипите на „Линк медија плус“, кои Градот ги ангажираше за новогодишното украсување, се очекуваше во текот на денот да ги состават сите делови на елката. Иако градот на 15 декември треба да блесне во новогодишен сјај, сепак, не е исклучена можноста елката да светне уште викендов.

Во меѓувреме, привршува монтирањето на новогодишните украси на булеварите и другите јавни површини. Монтирани се ѕвездените неба на булеварите, привршува китењето делови од Старата чаршија, закачени се украсите обложени со зеленило на некои од градските улици... (Дс.Т.)