Што прават денеска

Натали Грубовиќ -

ТВ-водителка

Во понеделникот започнавме со новото бинго на Државна лотарија на Македонија, па денеска првата обврски ми е состанок таму, да ги резимираме искуствата од првата емисија. Оттаму продолжувам на фризер и на козметички третман во „Диор“, па денот понатаму ми е за дружење со пријателките.

Лазе Темелков -

презентер во ТВ Алфа

Ова е период кога речиси сето време ми е резервирано за работа, работа и само работа. Да не излезе дека се жалам, ама навистина десетина дена се' ми се сведува на релацијата дома – работа - дома. Некаде околу пладне одам во ТВ Алфа, а заминувам околу полноќ по последните Вести.

Александар Ристовски-Принц -

музичар и продуцент

Денеска, а и следните неколку дена сум посветен на работата со Ламбе Алабаковски за неговата нова песна. Всушност, денеска ги снимаме гитарите за песната, а наскоро започнуваме и со снимање на спотот. Работиме сериозно и ударнички, а наскоро сето тоа ќе биде слушнато и видено во етерот.