Либерман бара смена на Абас

Израелскикот министер за надворешни работи, Авигдор Либерман, испратил писмо до членовите на т.н. блискоисточна четворка (ОН, ЕУ, САД и Русија) во кое ги повикува да побараат нови избори во палестинската автономија за да биде сменет актуелниот претседател Махмуд Абас, објави израелскиот весникот „Аарец“.

Според Либерман, Абас е основната пречка за постигнување израелско-палестински мировен договор. Писмото е со датум од 20 август и весникот тврди дека има копија.

Писмото според весникот е кулминација на кампањата на Либерман, почната пред една година за „делегитимизирање" на Махмуд Абас. За првпат тој сега предлага смена на Абас преку избори. 

Во писмото Ли��ерман наведува дека палестинската автономна власт е деспотска влада, во која има корупција.

- Таквото однесување го критикуваат дури и негови приврзаници. Заради нискиот авторитет и политиката веќе е време да се најде решение, да се мисли вон ограничувањата за да се стабилизира палестинското раководство, пишува во писмото Либерман. 

Шефот на израелската дипломатија напоменува дека изборите за претседател во палестинската автономија беа закажани за 2010 година и веќе неколкупати се одложувани и „до денес не е назначен нов датум“. Либерман изразува убедување дека „единствено со ново раководство би можело да се обноват мировните преговори со Израел“.