23.08.2012, 13:29 Вардар про загуби и од Динамо Минск
Во вечерашното последно коло од групата освојувачот на СЕХА-лигата и на Купот на Македонија ќе се сретне со повеќекратниот европски шампион Барселона
По стартниот пораз од Чеховски медведи, ракометарите на Вардар про изгубија и од Динамо Минск со 36:30 (21:14) во второто коло од групата А на 44. ТВ-турнир на шампионите во Добој, Босна и Херцеговина. Во вечерашното последно коло од групата освојувачот на СЕХА-лигата и на Купот на Македонија ќе се сретне со повеќекратниот европски шампион Барселона.
Марковиќ со шест гола беше најефикасен против првакот на Белорусија, во чиј состав се издвои Бабичев со седум погодока. Голманот на Динамо, Богданов, одбрани 16 удари, вклучувајќи и два седмерца.
Адемар Леон го совлада Цимос Копер со 28:25 во второто коло од групата Б, во кое ПИК Сегед беше подобар од домаќинот Слога со 34:28. Трофејот го брани Барселона.
|
