22.08.2012, 13:05 Динамо Киев шампионски во Менхенгладбах
Досегашниот клуб на Попов ја совлада Борусија со 3:1 во првиот меч од баражот за ЛШ
Фудбалерите на Динамо Киев со една нога се во фазата по групи од Лигата на шампионите, откако славеа со 3:1 во Менхенгладбах во првиот натпревар од разигрувањето со Борусија. Домашните поведоа преку Ринг во 13. минута, но потоа следуваа три гола на гостите од Украина. Прво, Михалик израмни во 28. минута, осум минути подоцна Јармоленко го доведе Динамо во водство, а точка на убедливата победа стави автоголот на Де Јонг во 81. минута.
Убава предност од гостински терен носат и Клуж и Глазгов Селтик. Романски Клуж го изненади Базел со 2:1 со двата гола на Сугу во 66. и во 71. минута за целосен пресврт по водечкиот гол за Швајцарците на Штрелер во 44. минута. „Келтите“ од Шкотска, пак, славеа со 2:0 во Шведска против Хелсинорг со погодоците на Комонс во 2. мин. и на Самарас во 75. мин..
Спартак Москва ќе патува со минимална предност во реваншот во Турција, бидејќи во првиот меч на свој терен го совлада Фенербахче со 2:1. Се' беше решено за десет минути, во кои водство на Спартак му донесе Еменике во 59. мин., израмни Кујт во 65. мин, а конечниот резултат го постави Кумбаров четири минути подоцна.
Минимална позитива од 1:0 оствари Копенхаген пред своите навивачи против Лил, а стрелец на единствениот гол беше Сантин во 38. минута.
Утре се играат првите средби од плејофот и за групната фаза во Лига Европа, а двојките се: Нефчи - АПОЕЛ, Анжи - АЗ Алкмар, Тромзо - Партизан, Екранас - Стеауа, Атромитос - Њукасл, Молде - Херенвен, АИК Стокхолм - ЦСКА Москва, Легија - Розенборг, Либерец - Днипро, Шериф - Марсеј, Бурсаспор - Твенте, Луцерн - Генк, Динамо Букурешт - Металист, Трабзонспор - Видеотон, Диделанж - Хапоел Тел Авив, Феенорд - Спарта Прага, Митјиланд - Јанг бојс, Дебрецин - Бриж, ПАОК - Рапид Виена, Локерен - Плзен, Хартс - Ливерпул, Мадервел - Леванте, Васлуи - Интер, Шласк - Хановер, Црвена звезда - Бордо, Хорсенс - Спортинг Лисабон, Мура - Лацио, Зета - ПСВ Ајндховен, Атлетик Билбао - Хелсинки и Маритимо - Дила.
Вечерва ќе се сретнат Штутгарт и Динамо Москва.
|
