22.08.2012, 15:27 Адебајор се врати во Тотенхем
Финансиските детали од договорот меѓу Адебајор и неговиот поранешен клуб не беа обелоденети
Емануел Адебајор одново ќе го предводи нападот на Тотенхем откако „спарси“ конечно го комплетираа трансферот на тогоанскиот репрезентативец, вреден пет милиони фунти. Финансиските детали од договорот меѓу Адебајор и неговиот поранешен клуб не беа обелоденети, но најважно е дека двете страни конечно пронајдоа заеднички јазик, со што трансферот на голгетерот во Тотенхем можеше да се официјализира.
„Пресреќен сум што повторно доаѓам во Тотенхем и едвај чекам да ги тресам противничките мрежи. Преговорите траеја подолго отколку ш��о очекував, но најважно е што сум дел од клубот каде што се ценат моите квалитети, изјави Адебајор.
|
