|
22.08.2012, 12:56 Бесими жали ако навредил некого со настанот во Слупчане
Намерата, како што изјави по денешната средба со американскиот заменик помошник државен секретар Филип Рикер, никогаш не му била таква, туку да придонесе кон помирување.
Министерот за одбрана Фатмир Бесими изрази жалење доколку некој е навреден од неговото положување цвеќе во Слупчане. Намерата, како што изјави по денешната средба со американскиот заменик помошник државен секретар Филип Рикер, никогаш не му била таква, туку да придонесе кон помирување.
„Мојата намера отсекогаш била и останува да ги претставам еднакво сите граѓани на Република Македонија и да направам ��е што е во моја надлежност за да придонесам кон помирувањето помеѓу сите заедници. Помирувањето е особено важен чин во Република Македонија, и посебно помеѓу двете страни инволвирани во конфликтот во 2001 година. Верувам дека АРМ може најдобро да го води овој процес на лекување на раните од минатото и да придонесе кон градење на заедничка Македонија“, рече Бесими.
Додаде дека целосно ги поддржува пораките на претседателот на Република Македонија, на премиерот, на лидерот на ДУИ, и другите политички лидери во Македонија за Рамазан Бајрам во кои ги повикаа сите граѓани за толеранција и меѓуетничко помирување и меѓусебно почитување.
„Во Република Македонија се соочуваме со неколку предизвици, вклучувајќи ја и потребата за промоција на помирување и разбирање помеѓу различните етнички и религиозни заедници. Ова претставува стратешка цел во програмата на оваа Влада на Република Македонија. Настојуваме да работиме кон надминување на разликите и нивно претворање во наша вредност односно да градиме една отворена и безбедна Македонија што ќе понуди мир и просперитет на сите граѓани без разлика на нивната етничка религиозна, полова припадност или нивните политички видувања. Во тој дух беше и моето полагање на цвеќе во Слупчане минатата недела“, изјави денеска министерот за одбрана.
Заменик-помошникот државен секретар на САД за Европа и Евроазија Филип Рикер ја поздрави изјавата на министерот Бесими.
„Ги поздравувам зборовите на министерот за помирувањето затоа што тое никогаш не е лесно. Согласно искуството на САД, нашите армија всушност претставуваше темел кој придонесе кон градењето на нашето општество и кон нашата аспирација за градење на едно посовршено општество во иднина. Министерството за одбрана и вооруѓените сили беа на првите линии во интеграцијата на нашата земја и создавање на таа доверба. Помирувањето е во духот и на НАТО“, изјави Рикер.
Како пример посочи на помирување меѓу Обединетото Кралство и Германија, Германија и Франција, Унгарија и Романија, Грција и Турција.
„Како што Клинтон рече во Чикаго ние треба да гледаме кон проширувањето на НАТО во нашите дискусии со земјите од регионот и не смееме до дозволиме денешните вести да ни го одвлечат вниманите од предизвиците и идните цели“, посочи заменик американскиот заменик-помошник државен секретар.
Ја повтори поддршката што САД и ја дава на Македонија за членство во НАТО. „Никој повеќе од САД не сака да ја види Македонија во НАТО“, нагласи Рикер.
Бесими и Рикер разговараа и за билатералната, регионалната и мултилатералната соработка во областа на одбраната, како и за напорите на МО во однос на интеграцијата во евроатланската заедница и полноправното членство во НАТО, како и за некои иницијативи, како што е А5 иницијативата за зајакнување на регионалната соработка во ин терес на мирот и стабилноста во регионот. Министерот се заблагодарил и за учеството на припадници на американската армија на парадата по повод 20-годишнината од АРМ.
|
|
|
|
Статијата е прочитана 1656 пати.
|
Испрати коментар
|
|
| Saso, 22.08.2012 13:31:07 | | Jas neznam navistina sto mu e na Makedonskiot narod,od edna strana ima zivi teroristi vo vlast i ne im smeta od druga mrtvi koj im smeta??????Ziviov mrtvite go stavija minister i treba da im se pokloni negovi si se.Prasanjeto e na koj nie treba da se poklonuvame? |
| | pile, 22.08.2012 14:16:44 | | Stavanjeto na problemite pod tepih i nezafakanje so resavanje na sustinskite problemi na metodicen i odrzjliv nacin, posebno za konfliktot od 2001 godina vo stilot objasnet vo kolumnata na profesorot Frckoski za vcerasen ,Fokus,a vo javnosta kreiranje na ponovi kontraverzi od tipot na slucuvanjeto na kaleto ili izgradba na crkva na plostadot vo Skopje,vo izminatiot 6 godisen period neminovno ke doveduva do vakvi i slicni istostuvanja na dokazjanite sojuznici i partneri na R.Makedonija, sto biva svojstvoeno za vladeackoto mnozinstvo,a so toa DUI i DPMNE kako i ostanatite koalicioni partii cij odnos nisto pomalku ne e nedrzjavnicki ako molcat za sostojbite, samo dokazjuvaat deka se neseriozni partii koi zabrazdija vo sopstvenite nedefinirani megjusebni politicki a rezultatot e ponizjuvanje na site gragjani vo Drzjavata.Vo edna prilika G-din Menduh Taci rece,parafraziram,roditelot ponekogas go udira deteto iako najveke go saka, a jas dodavam, osven ako od nego ne krene race,sto e opasno |
|
|
|
|
|
„УТРИНСКИ ВЕСНИК“
ЕЛЕКТРОНСКО ИЗДАНИE
 |
|
|
|
|
Време
|
Скопје, 18°C
Ведро
|
Петок
Сончево
Макс: 41°C, Мин: 19°C
|
Сабота
Сончево
Макс: 41°C, Мин: 24°C
|
|
|
|
|
|
|
|
