22.08.2012, 12:24 Албанците од јужна Србија бараат обединување со Косово
На 100 годишнината од прогласувањето на албанската држава конечно да биде решено нивното прашање
Претставниците на Албанците од јужниот дел на Србија, која ја нарекуваат Прешевска Долина, бараат на одбележувањето на 100 годишнината од прогласувањето на независноста на албанската држава конечно да биде решено нивното прашање и „трите албански општини останати во Србија да се припојат кон Косово“.
Оваа нивна цел, како што пишува „Коха диторе“ сакаат да ја реализираат станувајќи дел од косовската делегација на идните разговори меѓу Косово и Србија, кои се планира да почна�� на есен.
Градоначалникот на Бујановац Јонуз Муслиу, оценува дека учеството на претставниците од оваа област ќе и биде на помош на косовската делегација.
- Претставниците на народот од овој дел треба да бидат дел од разговорите и ние бараме да бидеме дел од косовската делегација. И разбирливо ние ќе бидеме силна страна во решавањето на политичкиот проблем во Прешево, Медвеѓе и Бујановац, изјави Муслиу за Коха диторе.
Според него годинава, кога се одбележува 100 годишнината од прогласувањето на независноста на Албанија, прашањето на Албанците од Прешевската Долина треба да се реши и трите албански општини треба да се обединат со Косово.
Барањето на Муслиу да бидат дел од косовската делегација на разговорите Приштина-Белград, ја подржал и претседателот на здружението „Ватра“ Сејдула Кадриу.
|
