08.11.2012, 14:36 Клиперси први ги стопираа Спарси
Сан Антонио поразен со 106:86, четврти пораз на Лејкерси
Богатата НБА-вечер донесе добра и лоша вест за екипите од Лос Анџелес. Во првата категорија се Клиперси кои им го нанесоа првиот пораз на Сан Антонио сезонава, а додека Лејкерски паднаа на скор 1-4 откако на гости кај Јута беа поразени. Спарси го доживеаја првиот пораз сезонава, а за тоа се заслужни Клиперси кои беа подобри со убедливи 106:84 за еден вид реванш за „чистката“ во втората рудна на плеј-офот минатата сезона. Во центарот на вниманието беа Блејк Грифин со 22 поена и десет скока, како и Деандре Џордан со 20 поени и 11 скока.
Подолгата клупа б��ше клучна за триумфот на домашниот тим, дури седуммина кошаркари во таборот на клиперси имаа двоцифрен број на поени, но ова не е единствената предност на тимот од Лос Анџелес тој беше помоќен и во скоковите 46:29. Клучна за победата беше третата четвртина во која клиперси имаа двоцифрена позитива од 14 поени разлика, а колку гостинскиот тим беше очаен говори фактот дека Дени Грин со 12 поени беше најефикасен во редовите на спарси.
Радоста во таборот на „езерџиите“ не траеше долго, Коби Брајант и неговите соиграчи паднаа на гостувањето кај Јута Џез (95:86). Најзаслужен за четвртиот пораз на Лејкерси беше Ал Џеферсон, кој постигна 18 поени и десет скока. Брајант постигна 29 поени, додека Хауард застана на 19 поени и девет скока што се покажа како премалку за победа.
Меѓу останатите екипи во форма беше Мајами. Бранителот на титулата немаше проблем со тимот на Бруклин, а за тоа говорат крајните 103:73 за продолжување на победничката серија на домашен терен.
Крис Бош со 22 поена и Леброн Џејмс со 20 поени ги предводија до четвртата победа сезонава. Покрај тоа што беше еден од најефикасните во своите редови, „кралот“ имаше одлична шутерска вечер проследена со 12 скока и осум асистенции.
Резултати: Шарлот - Феникс 110:117, Атланта - Индијана 89:86, Бостон - Вашингтон 100:94 по продолжение, Мајами - Бруклин 103:73, Хјустон - Денвер 87:93, Милвоки - Мемфис 90:108, Минесота - Орландо 90:75, Њу Џерси - Филаделфија 62:77, Далас - Торонто 109:104, Јута - Лос Анџелес Лејкерс 95:86, Сакраменто - Детроит 105:103, Голден Стејт - Кливленд 106:96, Лос Анџелес - Сан Антонио 106:86.
|
