17.09.2012, 15:42 Над 17 илјади студенти седнаа во академските клупи
Претседателот Ѓорге Иванов го посети Универзитетот „Св. Апостол Павле“ во Охрид, а министерот Пачне Кралев беше во Штип
Околу 17.000 студенти на повеќе од 400 различни студиски програми денеска за првпат седнаа во академските купи означувајќи го почетокот на учебната година на сите јавни и приватни високообразовни установи во земјава. Успешни студии, стекнување на нови знаење и вештини им посакаа на студентите претседателот Ѓорге Иванов и министерот за образование, Панче Кралев.
Претседателот Ѓорге Иванов присуствуваше на првиот кадемски час на Универзит��тот „Св. Апостол Павле“ во Охрид, кад еим пораќа на студентите дека „треба да се создава иднина за младите, но и млади за иднината“. „Иднината се случува додека ние зборуваме. Новите промени во современите технологии ќе дојдат со или без нас. Најголем бенефит ќе имаат оние поединци, општества и држави кои активно ќе се вклучат во глобалниот натпревар и ќе бидат конкурентни на светскиот пазар на технологии. Прашањето е дали ќе чекаме да ни се нудат решенија, или ќе се обидеме и ние да бидеме дел од тие решенија што му се потребни на светот“, рече Иванов.
Министерот за образование и наука Панче Кралев на Универзитетот „Гоце Делчев“ во Штип им се обрати на 3.200 нови студенти и им посака успешен почеток на академската година.
“Во време на брз економски и технолошки развој, следејќи ги принципите и препораките на Болоњскиот процес, Министерството за образование и наука постојано иницира и поттикнува осовременување на студиските програми и нивно прилагодување на современите светски достигнувања. Со тоа се постигнува висок квалитет на образование на кадрите кои се едуцираат на нашите универзитети“, рече Кралев.
Според податоците на Министерството за образование и наука, има зголемување на бројот на новозапишани студенти на студиските програми од областа на техничките и природно-математичките науки. Партиципацијата за редовните студенти во државната квота на јавните универзитети е 200 евра годишно за запишување студенти во прва година, за редовните студенти со кофинансирање на студиите и вонредните студенти партиципацијата e 400 евра, a студиите на сите дисперзирани студиски програми за сите редовни студенти е 100 евра годишно.
|
